जगभरातील मराठी बांधव ज्या अधिवेशनाची आतुरतेने वाट पाहतात ते मराठी मनाला जोडणारे बृहन महाराष्ट्र मंडळाचे अधिवेशन तीन वर्षांच्या विश्रांतीनंतर अटलांटिक शहर न्यू जर्सी येथे 11 ते 14 ऑगस्ट दरम्यान आयोजित केले जाणार असल्याची माहिती मंडळाच्या अध्यक्षा डॉ. विद्या जोशी यांनी दिली.

        दर दोन वर्षांनी होणारे हे अधिवेशन  कोरोनामुळे गेल्या वर्षी अधिवेशन होऊ शकले नव्हते. जे आता मोठ्या जोशात आणि जल्लोषात साजरे करण्यासाठी बृहन महाराष्ट्र मंडळ सज्ज झाले आहे. चार दिवसीय अधिवेशन मराठी मनाला साद घालणारी एकापेक्षा एक असे कार्यक्रम आयोजित केले जाणार आहे, ज्यात प्रसिद्ध नाटकापासून चर्चासत्रे, पाककृती, नृत्य नाट्य आणि संगीता संबंधित स्पर्धांचे आयोजन केले जाणार आहे. एवढेच नव्हे तर या अधिवेशनात आपल्या आवडत्या कलाकारांनाही भेटता येणार आहे.  त्याचप्रमाणे मराठी नाट्य आणि संगीतक्षेत्रातील दिग्गजांची उपस्थिती या अधिवेशनाचे खास आकर्षण असेल. 

       लोकप्रिय मराठी नाटक “आमने सामने” त्याचप्रमाणे सचिन खेडेकर, सोनाली कुलकर्णी, मुक्ता बर्वे या आपल्या आवडत्या कलाकारांचे कार्यक्रम बघण्याची संधी  रसिकांना लाभणार आहे. विशेष म्हणजे ४० वर्षांनी प्रशांत दामले आणि वर्षा उसगांवकर यांनी एकत्र अभिनय केलेले नाटक "सारखे काहीतरी होतेय" ही धम्माल कलाकृतीही पाहता येईल. या अधिवेशनाचा समारोप शंकर महादेवन यांच्या सांगीतिक कार्यक्रमाने "आपल्याला बघायला मिळेल. पुष्कर होईल. या दिग्गज कलाकारांच्या मांदियाळीत उत्तर अमेरिकेच्या २५ शहरातील स्थानिक कलाकारांची धमाल सादरीकरणेही होणार आहेत.