मतदान याद्यांचा घोळ, सत्याचा मोर्चा, या मोर्चाला महाविकास आघाडीला प्रचंड प्रतिसाद मिळाला आहे. तरी प्रत्यक्ष मतदान केंद्रात प्रत्येक उमेदवारांचे प्रतिनिधी म्हणुन पोलिंग एजंट असतात. त्यांना उमेदवारांतर्फे मतदान केंद्रातील (बूथ) मतदारांची यादी देण्यात येते. या पोलिंग ऐजंटचे मतदान ही त्याच मतदान केंद्रात असायला हवे. (नियम नसला तरी तसा एजंट असायला हवा) त्यांनी यादी मधील मतदारांची भेट घेतल्यास उत्तम. मतदार मतदान केंद्रात आल्यानंतर मतदान ओळखपत्र, बोटावरील शाई नसल्याची खात्री करून अधिकार्‍या तर्फे मतदान पात्र असल्याची परवानगी द्यावी. मतदान पूर्ण झाल्यानंतर बोटाची शाई पूर्ण सुकल्यानंतर त्याला बाहेर जाण्याची परवानगी द्यावी.

       पोलिंग एजंट ने मतदान प्रक्रिया पूर्ण होई पर्यंत मतदान केंद्रात उपस्थित रहावयास हवे. मतदान संपल्यानंतर एकूण मतदान किती झाले आहे ह्याची नोंद करून मतदान अधिकारी आणि एजंटची झालेले मतदान मोजणी सारखी असावी. आणि सर्व मतदान प्रक्रियेचे पेपर, उपकरणे सील करून घ्यावी. आणि त्यानंतर मतदान अधिकारी बरोबर मतदान केंद्र सोडण्यात यावे. मतदान मोजणीच्या वेळी उमेदवारांच्या प्रतिनिधी मधून मोजणी प्रतिनिधी (काऊटींग एजंट) उपस्थित असतात. त्याने प्रत्येक बूथ वरील एकूण झालेले मतदान आणि ईव्हीएम मशीन मध्ये झालेले एकूण मतदान सारखेच आहे की नाही हे पाहणे आवश्यक आहे. मतदान मध्ये फरक आढळल्यास उपस्थित असलेल्या अधिकाऱ्याकडे त्वरित तक्रार करून त्या बूथ वरील मत मोजणी थांबविण्यात यावी. त्याप्रमाणे वरीष्ठ अधिकार्‍यांना कळविण्यात यावे. अशा काही मतदानाच्या आणि मतमोजणी वेळी प्रक्रिया असतात. त्याकरिता प्रतिनिधी, पोलिंग एजंट, काऊटींग एजंट सक्षम असायला हवे. तरच मतदारांनचा हक्काचा उमेदवार विजयी होऊ शकतो. 

(विजय कदम - लोअरपरळ)