आंतरराष्ट्रीय सेक्स रॅकेटचा पर्दाफाश, ठाणे पोलिसांना यश !!

संपादक - अभिषेक शिंदे - Nov 30, 2025

आंतरराष्ट्रीय सेक्स रॅकेटचा पर्दाफाश, ठाणे पोलिसांना यश !!

सामाजिक कार्यकर्ते डॉ. बिनू वर्गीस यांचे विशेष प्रयत्न !!

परदेशी थाई महिलांच्या काही जणी अवैधरीत्या कालबाह्य व्हिसावर थांबून सेक्स रॅकेटमध्ये कार्यरत असल्याची विशिष्ट माहिती ठाणे विभागातील सामाजिक कार्यकर्ते डॉ. बिनू वर्गीस यांना मिळाली होती. ही माहिती त्यांनी तत्काळ ठाणे शहर डीसीपी प्रशांत कदम यांना दिली, मिळालेल्या माहितीच्या आधारावर जलद कारवाई करत वरिष्ठ पोलीस निरीक्षक निवृत्ती कोळतकर यांनी पोलीस निरीक्षक प्रियतमा मुठे आणि त्यांच्या पथकाला आंनद नगर, ठाणे पश्चिम येथील द बायक सुरज प्लाझा हॉटेलवर धाड घालण्याचे आदेश दिले.

त्यात या रॅकेटमध्ये शरीर सुख देण्यासाठी एका तासासाठी 15,000 रुपये इतकी रक्कम घेतली जात होती. पोलीस पथकाने धाडीत रोख रक्कम, पासपोर्ट, थाई बँकेचे पासबुक आणि चार मोबाईल फोन जप्त केले आहेत.

एका थाई महिला आरोपीला अटक करण्यात आली असून दोन महिलांची सुटका करण्यात आली आहे.

BNS कलम 143(1), 143(3) तसेच PITA कलम 4 आणि 5 अंतर्गत FIR नोंदविण्यात आली आहे.

ठाण्यातील क्राईम रिपोर्टर लक्ष्मण वन्नम यांनी पोलीस पथकाला विशेष सहकार्य केले.