प्रतिनिधी - (प्रीती तिवारी) दिनांक ११ नोव्हेंबर २०२५ रोजी गुप्त बातमीच्या आधारे अग्रवाल नगरी, अगरवाल पार्टी लॉन्स हॉलच्या जवळ, वसई पूर्व, तालुका वसई, जिल्हा पालघर येथील मोकळ्या मैदानात काही इसम दोन ट्रेलर मधून अवैधपणे स्टील चोरी करून टाटा एस टेम्पो मध्ये पलटी करत असताना मिळून आले.

     कारवाई मध्ये वाडा येथील प्रायव्हेट लिमिटेड कंपनीमध्ये भरून, नालासोपारा येथील हितेश सिंडिकेट प्रायव्हेट लिमिटेड या कंपनीमध्ये खाली करण्याकरिता आणलेले स्टील व इतर साहित्य जप्त करण्यात आले. चोरी केलेल्या बाराशे किलो वजनाच्या स्टील सळई तसेच ज्याच्यातून चोरी झाली ते दोन टेलर तीस लाख रुपये किमतीचे चोरीचा माल वाहून नेण्याकरता वापरलेले टेम्पो, दहा लाख रुपये,

 चार मोबाईल फोन व रोख रक्कम अशा एकूण ४० लाख ९० हजार ९०० रुपये किमातीचा मुद्देमाल जप्त करण्यात आला आहे.

       आरोपी १) अच्छेलाल जगमोहन मौर्य वय वर्ष ५५ व्यवसाय स्टील खरेदी विक्री नालासोपारा पूर्व. २) राकेश रामजीत उपाध्याय, वय ३४ वर्ष, व्यवसाय चालक, राहणार श्रीराम नगर, संतोष भवन, नालासोपारा पूर्व.

३) दीनदयाळ लालबहादूर पांडे, वय ३९ वर्ष, व्यवसाय हेल्पर, राहणार अंबाडी नाका, तालुका भिवंडी, जिल्हा ठाणे.

४) यानूर अप्सर अली शेख, वय २१ वर्षे, व्यवसाय चालक, राहणार बिल्डिंग नंबर ७६/८५, म्हाडा अँटॉप हिल मुंबई.

 ५) शुभम राजेश सिंग, राहणार रूम नंबर ६०१, नेपच्यून स्वराज अपार्टमेंट, आंबिवली जिल्हा ठाणे.

 ६) जावेद शाहिद शेख, वय वर्ष २६, व्यवसाय चालक, राहणार नालेश्वर नगर, विरार फाटा, विरार पूर्व. नमूद आरोपी इसमाविरुद्ध आचोळे पोलीस ठाणे येथे ४५८/२०२५ भारतीय न्याय संहिता कलम ३०३ (२) (३) (५) प्रमाणे गुन्हा नोंदवून कारवाई करण्यात आली आहे.

         सदरची कामगिरी माननीय श्री निकेत कौशिक पोलीस आयुक्त, माननीय श्री दत्तात्रय शिंदे अप्पर पोलीस आयुक्त, माननीय श्री संदीप डोईफोडे पोलीस उपायुक्त (गुन्हे), माननीय श्री मदन बल्लाळ सहाय्यक पोलीस आयुक्त (गुन्हे) यांचे मार्गदर्शनाखाली गुन्हे शाखा दोन वसई युनिटचे पोलीस निरीक्षक अविराज कुराडे, सहाय्यक पोलीस निरीक्षक सोपान पाटील, पोलीस उपनिरीक्षक संतोष घाडगे, सहाय्यक फौजदार संजय नवले, मुकेश पवार, रवींद्र पवार चंदन मोरे, पोलीस हवालदार प्रफुल पाटील, सचिन पाटील, जगदीश गोवारी, राहुल करपे ,दादा आडके, दिलदार शेख, अनिल साबळे, यांनी उत्कृष्टपणे पार पाडली आहे.