(वार्ताहर - अभिजीत पेठे) "जागतिक विश्वविक्रम" शिवसेना शाखा क्रमांक ६३ यांच्याकडून दरवर्षीप्रमाणे छत्रपती शिवाजी महाराज जयंती निमित्त अपना बाजार, अंधेरी (पश्चिम), मुंबई येथे विविध कार्यक्रमाचे आयोजन करण्यात आले आहे. ह्या वर्षी कार्यक्रमाचे महत्वाचे अंग म्हणजे छत्रपती शिवाजी महाराज यांचे ४६,०८० मणी वापरून मोसाइक पोट्रेट साकारण्यात येणार आहे. छत्रपती शिवाजी महाराजांच्या  ह्या पोट्रेट मध्ये ६ रंगांचा वापर करण्यात आला आहे. हे पोर्ट्रेट १० फूट उंचीचे व 8 फूट लांबीचे आहे.           सृजनशील, कल्पकता आणि नम्र असलेल्या होतकरू नितीन दिनेश कांबळे हा कलाकार छत्रपती शिवाजी महाराजांना आपले आराध्य दैवत मानत असल्याने त्याने आपल्या पहिल्या जागतिक विक्रमाची सुरुवात हि छत्रपती शिवाजी महाराजांच्या  मोसाइक पोट्रेट द्वारे करण्याचे ठरविले होते. ह्या कलाकराला साथ मिळाली ती शिवसेना शाखा क्रमांक ६३ च्या उत्तम नेतृत्व असलेल्या श्री. सुबोध सुरेश चिटणीस यांची व शाखा क्रमांक ६३ च्या शिवसैनिकांची नितीन कांबळे ह्या कलाकाराच्या अंगातील हे कलागुण ओळखून त्याला व्यासपीठ मिळवून द्यायचे काम त्यांनी उत्तम रित्या करून द्यायचे ठरविले आहे.   वर्ल्ड रेकॉर्डस् इंडिया ने सुद्धा ह्या विश्वविक्रमाची नोंद घेतलीय म्हणूनच दिनांक ११  मार्च २०२० रोजी वर्ल्ड रेकॉर्डस् इंडिया चे रेप्रेसेंटेटिव्ह श्री. संजय विलास नार्वेकर आणि श्रीमती सुषमा गोविंद तांबडकर तसेच  वर्ल्ड रेकॉर्डस् इंडिया चे प्रमुख संस्थापक श्री पावन सोळंकी यांच्या उपस्थितीत विश्व विक्रमवीर नितीन दिनेश कांबळे व  शिवसेना शाखा क्रमांक ६३ चे उत्तम नेतृत्वकार श्री. सुबोध सुरेश चिटणीस यांचा वर्ल्ड रेकॉर्डस् इंडिया कडून सत्कार होणार आहे.