विरार मधील म्हाडा वसाहती मधील एका इमारतीच्या सदनिकेत आंतरराष्ट्रीय देह   व्यापार सुरू असल्याचे समोर आले आहे. अनैतिक मानवी वाहतूक शाखेने या सदनिकेवर छापा घालून सतरा वर्षीय अल्पवयीन मुलींची सुटका केली आहे. याप्रकरणी एका बांगलादेशी आरोपीला अटक करण्यात आली असून, त्याने मागील दोन वर्षात तीनशे होऊन अधिक मुली देह व्यापारासाठी बांगलादेशातून मुंबईत आणल्याचे तपासात निष्पन्न झाले आहे.

       विरार पश्चिमेला बोळींज येथे म्हाडाची वसाहत आहे यातील डी सात इमारतीच्या सदनिका क्रमांक २१०४ मध्ये आंतरराष्ट्रीय देह व्यापार सुरू असल्याची माहिती अनैतिक मानवी वाहतूक शाखेला मिळाली होती, शुक्रवारी रात्री पोलिसांच्या पथकाने छापा घालून या फ्लॅट मधून सतरा वर्षीय अल्पवयीन मुलींची सुटका केली अन्य दोन मुलींना नालासोपारा येथील प्रगती नगर मधून अटक करण्यात आली या आंतरराष्ट्रीय सेक्स रॅकेट टोळीचा सूत्रधार आरोपी अशोक दास असून तो बांगलादेशी आहे, आपल्या साथीदारांच्या मदतीने तो बांगलादेशातून बेकायदेशीरपणे अल्पवयीन मुली आणि तरुणींना फसवून देह व्यापारासाठी मुंबईत आणत होता बांगलादेशातून मुली आणल्यानंतर ह्या फ्लॅटमध्ये ठेवायचा त्यानंतर या मुलींना मुंबईच्या ग्रँड रोड येथील रेड लाइट एरिया मध्ये देह व्यापारासाठी पाठवत होता त्याच्या अन्य साथीदारांचा शोध सुरू आहे मागील दोन वर्षात ३०० हून अधिक बांगलादेशी मुलींना फसवून मुंबई देह व्यापारासाठी आणण्याचे तपासात निष्पन्न झाल्याची माहिती अनैतिक मानवी वाहतूक शाखेचे वरिष्ठ पोलीस निरीक्षक संतोष चौधरी यांनी सांगितले.

        या प्रकरणातील आणखी धक्कादायक म्हणजे देह व्यापारासाठी म्हाडाच्या घरांचा होत असलेला वापर बांगलादेशातून आणलेल्या मुली म्हाडाच्या घरात ठेवल्या जायच्या आणि तेथून मुंबईत पुरवल्या जात होत्या अशी माहिती वरिष्ठ पोलीस निरीक्षक संतोष चौधरी यांनी दिली आहे. आरोपीने डी- ७ मधील २१०४ क्रमांकाचा फ्लॅट करारनामा करून घेतला होता आणि त्याचा वापर देह व्यापारासाठी करायचा. मुळात म्हाडाची घरे भाडे तत्वावर देताना म्हाडाचा ना हरकत दाखला लागतो, याशिवाय पोलिसांनी पडताळणी करून ना हरकत दाखला (एनओसी) द्यायची असते.